Jesu A thokit tai!
1. Thagau taksa pu ah Jesu athaw kit akhan Thagau taksa pu in a tho kit ahi ti kichian tak in Pathian lekhabu thiang apat in taklat piakin ih um uh ahi. Ale, zia Thagau taksa chu bang gual ahi diam? Chun, Zia ni hapta khat a, ni masapen nitak lam achun nungzui te chu Juda te alau ziakun kawt akikhak khum lai achun, Jesu chu alak un ahung dingah, lachung un tamuan na umta hen atia. Zia chu agen zaw in a Khut leh Keng be liam te chu a et sak hi. Nungzui Thomas umlo lai leh umlai in le akiangun akilak hi. Ama ding kawt kikhak leh khaklo le bangma akikhiak na a um chuam puai, anawp nawp nan kingang tak in achia thei a, agamla leh anai le aman adin bangma akikhiak na aum chuam puai. Chun, thachawl ti him him le ahekha puai, ei uh le khatvei i Lalpa gualah Thagau taksa pua in thokit di ihiu ahi.
2. Thithei talo taksa thina zo ah thokit ta I Lalpa kha thinan achungah thunei
na anei tapuai. Chutichun, thikit talo ahi. Ama gual in eimau le khatvei
thikit talo din thokit di ihiu. Zia I Lei damsung taksau ahin chu athilo ding kuama i um puau. Thina suak ah um chiat i hiu, maleh, thiding in kuama iki phal puau a, i inn sungteu
ah ahunglut di le kuaman i la changtel ngailo uh ahi. Thina ziakin Inn sungah lungngai nate, kaa nate atun a thina ziakin gual leh pai kingai
lailai te, nupan kihepi mama te akikhen sak a, kaa na atun sak ahi. Thokit taksa achun vang thikit talo ding ihi ziakun thina ziaka lungngaina
te umta puantin, mel sang tamtak chia leu hin le thanmual himhim mu hitapuan tin, ziatak chun eila dawn ah aw ti ah kithak na thule gen tapuai tiu.
